काठमाडौं, २० मंसिर । उपप्रधान तथा गृहमन्त्री नारायणकाजी श्रेष्ठ छातीमा असहज महसुस भएपछि सहिद गंगालाल हृदयरोग केन्द्रमा भर्ना हुनु भएको छ ।
मंगलबार राति छातीमा असहज महसुस भएपछि सहिद गंगालाल हृदयरोग केन्द्रमा भर्ना हुनुभएका श्रेष्ठको एन्जियोप्लास्टी गरिएको छ ।
उहाँको लेफ्ट एन्टेरियर डिसेन्डिङ आर्टरीको एन्जियोप्लास्टी गरिएको बताइएको छ । यसअघि करिब ७ साताअघि चीन भ्रमणको क्रममा श्रेष्ठको लेफ्ट सर्कमफ्लेक्स आर्टरीमा एन्जियोप्लास्टी गरिएको थियो ।
उहाँको स्वास्थ अवस्था स्थिर रहेको छ । मंगलबार साँझ सत्तागठबन्धनको बैठकमा सहभागी श्रेष्ठलाई अबेर राति अस्पताल लगिएको हो ।
