एजेन्सी, १४ मंसिर । इजरायल र हमासबीचको युद्धविरामको छैटौं दिनमा हमासले १६ जनालाई मुक्त गरेको छ । पहिलो दुई रूसी–इजरायली महिला रिहा गरियो। पछि १० इजरायली र ४ थाई नागरिकलाई रिहा गरियो। इजरायली सेनाले यो जानकारी दिएको हो । यी सबै बन्धकहरू इजिप्ट पुगेका छन् र इजरायललाई सुम्पिनेछन्। बदलामा इजरायलले ३० प्यालेस्टिनी बन्दीहरूलाई रिहा गर्नेछ।
बीबीसीको रिपोर्ट अनुसार १५० जना अझै हमासको बन्दीमा छन् । हमासले पाँच दिने युद्धविराममा ९७ जना बन्धकहरूलाई रिहा गरेको छ । अक्टोबर ७ मा हमासका आतंककारीहरूले २४१ जनाभन्दा बढीलाई बन्धक बनाएर गाजामा लगेका थिए । योसँगै इजरायलले १८० प्यालेस्टिनी बन्दीलाई रिहा गरेको छ ।
आज युद्धविरामको अन्तिम दिन हो । हमास युद्धविराम लम्ब्याउन तयार छ तर इजरायलका प्रधानमन्त्री नेतन्याहुले यसमा सहमति जनाएका छैनन् । उनीहरुले युद्धविराम सकिएलगत्तै फेरि युद्ध सुरु गर्ने कुरा गरेका छन् । यस्तो अवस्थामा हमासले सकेसम्म धेरै बन्धकहरूलाई रिहा गर्नका लागि अन्तर्राष्ट्रिय मध्यस्थकर्ताहरूले दुईबीच सम्झौता गर्ने प्रयास गरिरहेका छन्।
यसैबीच, गाजाको स्थितिमा सुधार आएको छैन। युद्धका कारण गाजामा मानवीय संकट छ । यहाँका मानिससँग बस्नका लागि घर छैन । उनीहरु सडकमै सुत्न बाध्य छन् । खाना र पानी पनि पाउन गाह्रो छ। युद्धविरामको समयमा राहत सामग्री लिएर ट्रक आइपुग्दा पनि मानिसहरु ती सामान लिन लामो लाइनमा उभिनुपर्ने बाध्यता छ । बीबीसीका अनुसार खाना पकाउने ग्यास लिन सयौं मानिस तीन दिनदेखि लाइनमा बसेका छन् ।
