काठमाडौं, १२ कात्तिक । मुगुमा मृतावस्थामा फेला परेका एकै परिवारका ४ जनाको शव जिल्ला सदरमुकाममा ल्याइएको छ ।
एकै परिवारका आमासहित २ छोरा र एक छोरीको शव परीक्षणका लागि जिल्ला सदरमुकाम गममढी ल्याइएको हो ।
छायानाथ रारा नगरपालिका ६ स्थित मन्दु गाउँमा एकै परिवारका आमा श्रीदेवी बोहोरा,उनका जेठो छोरा ११ वर्षीय मनोज, सानो आठ महिनाका छोरा र ९ वर्षीय छोरी अप्सरा शुक्रबार मृत अवस्थामा फेला परेका थिए । चारै जनाको शव परीक्षणका लागि गमगढी ल्याइएको प्रहरीले जनाएको छ ।
