एजेन्सी,२१ असोज । हमासको आक्रमणपछि इजर इजरायलमा अहिले युद्ध चलिरहेको छ । प्यालेस्टाइन समर्थक हमासले इजरायलमा गरेको आक्रमणमा सयौंको ज्यान गएको छ । यसैबीच ‘अकेली’ फेम बलिउड अभिनेत्री नुसरत भरुच्चा पनि इजरायलमा फसेको खबर बाहिर आएको छ ।
वास्तवमा नायिका नुसरत भरुचा हाइफा इन्टरनेशनल फिल्म फेस्टिभलमा सहभागी हुन इजरायल गएकी थिइन् । तर, हमासको हमलापछि अभिनेत्री फसेकी छैनन् सम्पर्कमात्र नभएको हो । मुम्बईमा बसेको टोलीले हिजो नुसरतसँग कुरा गरेको थियो तर अहिले उनीसँग सम्पर्क टुटेको छ । उनको टोलीले नुसरत कहाँ र कस्तो अवस्थामा छ भन्ने पत्ता लगाउन सकेको छैन ।
नुसरत भरुचाको टिम उनको लागि निकै चिन्तित छ । मुम्बईमा रहेको उनको टोलीले भने, “दुर्भाग्यवश नुसरत इजरायलमा फसेकी छिन्। उनी हाइफा अन्तर्राष्ट्रिय फिल्म फेस्टिभलमा भाग लिन त्यहाँ गएकी थिइन्। उनी अन्तिम पटक शनिबार दिउँसो १२.३० बजेतिर एक तहखानेमा सुरक्षित भेटिएपछि सम्पर्क भएको थियो।“
टोलीले लामो समयदेखि अभिनेत्रीलाई सम्पर्क गर्न खोजेको थियो तर केही भने हुन सकेको छैन । छिट्टै फेला परेन भने परराष्ट्र मन्त्रालयसँग सहयोग लिइने जनाइएको छ । नुसरत भरुचाको टोलीले अभिनेत्रीलाई सकुशल भारत ल्याउने प्रयास गरिरहेको बताएको छ । उनले भने, “हामी उनलाई सकुशल भारत ल्याउने प्रयास गरिरहेका छौँ। आशा छ उनी पूर्ण निको भएर सकुशल फर्कनेछन्।“
हालै हमासले इजरायलमा मिसाइल प्रहार गरेको थियो । त्यहाँ अहिलेसम्म ३०० जनाको ज्यान गएको छ भने ९०८ जना घाइते भएको बताइएको छ । प्यालेस्टाइन समर्थक हमासले विदेशीहरूलाई पनि छोडेको छैन। यसै क्रममा मेघालयका २७ तीर्थयात्री जेरुसेलममा फसेको बताइएको छ ।
हमासका आतंककारीहरूले गाजा पट्टीको छेउमा रहेका इजरायली गाउँहरू पनि कब्जा गरेका छन् र महिला र बालबालिकासहित धेरै मानिसहरूलाई बन्धक बनाएका छन्। इजरायली सेनाका धेरै सैनिक र अधिकारीहरू पनि आतंककारीको हिरासतमा छन्।
