काठमाडौं, १८ असोज । सत्तारुढ दल नेकपा (एमाले) गण्डकीमा नेतृत्व छान्न आज मतदान हुँदैछ । पोखरामा जारी अधिवेशनमा ११ जिल्लाका ९ सय ७ जना प्रतिनिधि रहेका छन् ।
सर्वसम्मतीको प्रयास असफल भएपछि बुधबार बिहान उम्मेदवारी दर्ताको समय तोकिएको हो ।
मतदानमा भोटिङ मेसिनको प्रयोग गरेर चुनाव हुने चुनाव निर्वाचन समितिले जनाएको छ । अधिवेशनले ५ पदाधिकारीसहित १ सय ६५ सदस्यीय कमिटी निर्वाचित हुनेछन् ।
निर्वाचन समितिको अनुसार ५ पदाधिकारीमा ११ जनाको उम्मेदवारी परेको छ । कुल ३ सय ८२ जनाको उम्मेदवारी परेको बताइएको छ ।
नेतृत्वका लागि निवर्तमान अध्यक्ष नवराज शर्मा र केन्द्रीय सदस्य मायानाथ अधिकारीले प्यानल सहित मनोनयन दर्ता गरेका छन् । एमाले गण्डकी प्रदेशको आगामी नेतृत्वका लागि उपमहासचिव पृथ्वीसुब्बा गुरूङ र स्थायी कमिटी सदस्य खगराज अधिकारीको छुट्टछुट्टै प्यानल खडा भएको छ।
गुरूङले अध्यक्षमा म्याग्दीका शर्मालाई अघि सारेका छन् । उनी निवर्तमान अध्यक्ष पनि हुन्। अधिकारीले मायानाथ अधिकारीलाई समर्थन गरेका छन् ।
