काठमाडौं, ८ असोज । मुलुकको सबैभन्दा पुरानो लोकतान्त्रिक दल नेपाली कांग्रेसमा गत १४औं महाधिवेशनमा विभिन्न पदमा उम्मेदवारी दिएर पराजित भएकालाई नै केन्द्रीय सदस्यमा मनोनीत गरिएको छ । सभापति शेरबहादुर देउवाले मनोनीत गर्नुभएका अधिकांश केन्द्रीय सदस्यहरू पार्टीको महाधिवेशन प्रतिनिधिदेखि केन्द्रीय सभापतिको प्रत्यासी बनेर पराजित भएकाहरू रहेका छन् ।
सभापति देउवाले महाधिवेशन भएको २१ महिनामा पटकपटक गरी ३२ केन्द्रीय सदस्य मनोनीत गर्नुभएको छ । उनीहरू सबैजसो कुनै न कुनै पदमा उम्मेदवारी दिएर पराजित भएकाहरू छन् । सभापतिमा निकटतम प्रत्यासी स्वतः केन्द्रीय सदस्य हुने व्यवस्थाअनुसार १४औं महाधिवेशनमा प्रमुख प्रत्यासी डा। शेखर कोइराला स्वतः केन्द्रीय सदस्य हुनुभएको छ । उहाँबाहेक सभापति देउवाले आफूसँग प्रतिस्पर्धा गरेका सभापतिका उम्मेदवारहरू प्रकाशमान सिंह, विमलेन्द्र निधि र कल्याणकुमार गुरुङलाई केन्द्रीय सदस्य बनाउनुभएको छ ।
त्यस्तै, उपसभापतिमा पराजित विजय गच्छदार, चन्द्र भण्डारी, सुजाता कोइराला, महामन्त्रीमा पराजित प्रकाशशरण महत र प्रदीप पौडेललाई केन्द्रीय सदस्य मनोनीत गरिएको छ । सहमहामन्त्रीमा पराजित जीवनबहादुर शाही हुम्ला, मानबहादुर विश्वकर्मा अर्घाखाँचीलाई पनि सभापति देउवाले केन्द्रीय सदस्यमा ल्याउनुभएको छ । केन्द्रीय सदस्यमा मनोनीत अन्य नेताहरू महाधिवेशनमा केन्द्रीय सदस्यमा पराजित भएका, प्रदेशसभापति, क्षेत्रीय सभापति र महाधिवेशन प्रतिनिधिमा समेत पराजित भएकाहरूलाई ल्याइएको भन्दै पार्टीभित्र चर्को विरोध भइरहेको छ । सभापतिले विधान र सांगठनिक आवश्यक्तालाई कुल्चिएर राणाकालीन अवस्थाको जस्तै एकलौटी निर्देशनका भरमा आफ्ना ज्यूहजुरी गर्नेहरूलाई केन्द्रीय नेता बनाएको भन्दै कतिपय केन्द्रीय सदस्यले विरोध गरिरहेका छन् ।
सभापतिले मनोनीत गरेका शिवप्रसाद हुमागाईं, धना खतिवडा, उर्मिला थपलिया, रुकमिनी कोइराला, कल्याणी रिजाल, किरण यादव केन्द्रीय सदस्यमा पराजित नेताहरू हुन् । त्यस्तै, गण्डकी प्रदेश सभापति शुक्रराज शर्मासँग पराजित अर्जुनप्रसाद जोशी र लुम्बिनी प्रदेश सभापति अमरसिंह पुनसँग पराजित भरतकुमार शाह पनि केन्द्रीय सदस्य बनेका छन् । बागलुङबाट महाधिवेशन प्रतिनिधिमा पराजित किरणराज शर्मा पौडेल, सुनसरी क्षेत्रनम्बर–१ को सभापतिमा पराजित लक्ष्मी खतिवडालाई समेत सभापति देउवाले केन्द्रीय सदस्य बनाउनुभएको छ । पार्टीको विधानबमोजिम तल्लो पदमा चुनाव लडेर पराजित भएका जोकोही पार्टीको माथिल्लो पदमा उम्मेदवारी दिन नपाउने व्यवस्थाअनुसार मनोनीत समेत गर्न नपाइने भन्दै केन्द्रीय समितिको बैठकमै चर्काचर्की भएको थियो ।
मनोनीत केन्द्रीय सदस्यको योग्यतालाई लिएर केन्द्रीय समिति बैठकमा गण्डकी कांग्रेस सभापति शुक्रराज शर्माले सभापतिप्रति आक्रोश पोख्नुभयो । ‘आज पनि तपाईं ९देउवा० ले केन्द्रीय सदस्य मनोनीत गर्नुभयो, केन्द्रीय सदस्य बन्ने योग्यता के हो रु,’ उहाँले प्रश्न गर्नुभयो– ‘केन्द्रीय सदस्य हुन के–के काम गर्नुपर्छ रु के–के काम गरेपछि मात्रै कांग्रेस सदस्य हुन पाइन्छ भन्ने मापदण्ड हुनुपर्दैन रु’ विचार पु¥याएर मात्रै केन्द्रीय सदस्य मनोनीत गर्न सभापति देउवाको ध्यानाकर्षण गराउँदै उहाँले जथाभावी मनोनीत गर्दा संगठनलाई नै क्षति पुग्न सक्ने बताउनुभयो । केन्द्रीय समितिमा मनोनीतको प्रक्रियाका विषयमा टिप्पणी गर्दै नेता मनोजमणि आचार्यले नेतृत्वबाटै विधानको खिल्ली उडाइएको बताउनुभयो । समाचारपत्र
