काठमाडौं, ३ असोज । सत्तारुढ नेपाली कांग्रेसले आयोजना गरेको बीपी साहित्य महोत्सवको बाँकी कार्यक्रम आज हुँदैछ । महोत्सवको समापन पनि आजै हुनेछ । बीपी कोइरालाको ११०औं जन्मजयन्तीको अवसरमा कांग्रेसले २४ भदौदेखि ३ दिने साहित्य महोत्सव आयोजना गरेको थियो ।
नेकपा एमालेका उपाध्यक्ष सुवास नेम्वाङको निधन भएपछि २६ भदौको कार्यक्रम स्थगित भएको थियो । सोही स्थगित कार्यक्रम आज गर्न लागिएको हो ।
आजको कार्यक्रम बिहान १०ः३० बजेदेखि साँझ ५ बजेसम्म पार्टी केन्द्रीय कार्यालय सानेपामा हुनेछ । अघिल्ला कार्यक्रम पार्टी कार्यालयको प्राङ्गणमा भएकोमा आजको कार्यक्रम भने कार्यालय भवनको हलमा हुने छ ।
