एजेन्सी, २६ भदौ । महाराष्ट्रको पालघर जिल्लाका एक ४३ वर्षीय पुरुषले आफ्नी लिभ इन पार्टनरको हत्या गरेका छन् । महिलाले उनीविरुद्ध बलात्कारको उजुरी दिएपछि उनले हत्या गर्ने योजना बनाएका थिए ।
वसईका सहायक पुलिस आयुक्त पद्मजा बडेले भने पालघरको वसई क्षेत्रका निवासी आरोपीलाई मंगलबार पक्राउ गरिएको थियो । घटना अगस्ट ९ र १२ बीचको हो । हालसम्म २८ वर्षीया पीडितको शव फेला नपरेको अन्तर्राष्ट्रिय सञ्चारमाध्यमहरुले जनाएका छन् ।
पीडित परिवारले भदौ १४ गते नाइगाउँ प्रहरीमा हराएको उजुरी दिएको उनले बताए । अभियुक्तहरुले छिमेकी गुजरातको वापी सहरमा शव फ्याँकेको हुन सक्ने उनीहरुको आशंका छ ।
पीडितले जबरजस्ती करणीको उजुरी दिएको प्रारम्भिक अनुसन्धानबाट खुलेको बडेले बताए, जसका आधारमा उक्त व्यक्तिविरुद्ध फौजदारी मुद्दा दर्ता गरिएको थियो । जसका कारण उनी रिसाए । उनले महिलालाई उजुरी फिर्ता लिन पनि आग्रह गरे तर उनले मानिनन् । यसपछि पुरुषले महिलाको हत्या गरेको आरोप छ ।
उनले भने, ‘पीडितकी बहिनीको उजुरी पछि नायगाउँ प्रहरीले सोमबार आरोपी विरुद्ध एफआईआर दर्ता गरेको छ। उही समयमा, मीरा भाईंदर–वसई विरार पुलिस सीमाको अर्को पुलिस थानामा आरोपी विरुद्ध आत्महत्या गर्न दुरुत्साहनको मुद्दा दर्ता गरिएको छ।’
