बटुकनाथ झा २० बैसाख धनुषा ।
भोली हुने जानकी नवमीको अवसरमा जनकपुरधाममा जानकी जन्म महामहोत्सव मनाइदैछ । ९ दिवसीय कार्यक्रम अन्तरगत बैसाख १४ गते देखि सुरु भएको बधाई गान तथा श्रीराम कथा वाचन भईरहेको छ भने आज दुधमती नदीमा विशेष आरतप्ी हुने भएको छ । जनकपुरको पश्चिम रहेको दूधमती नदीमा भोली विहान शाही स्नानको कार्यक्रम रहेको छ । जानकी नवमी अनतरगत भोली जानकी शोभा यात्रा, जन्म संध्या आरती लगायतका साँस्कृतिक कार्यक्रमको आयोजना गरिएको जानकी मंदिरका उत्तराधिकारी महन्थ राम रोशन दास बैष्णले जानकारी दिनुभयो । जानकी नवमी नेपालको लागि महत्वपुर्ण पर्व रहेपनि नेपाल सरकारले खासै ध्यान नदिएको अवस्था छ ।
माता जानकी तथा गौरीको जन्म नेपालमै भएपनि नेपाल सरकारले जानकी नवमीका अवसरमा खासै केहि नगरेको अवस्था छ । यो वर्ष सर्वदलिय सर्व पक्षिय बैखकबाट विभिन्न उपसमितिहरु बनाएर काम सूरु गरिएको बताउदै रामरोशन दासले नेपालको धरोहर पर्वका रुपमा रहेको जानकी नवमीमा आउन तथा सहयोग गर्न राज्य पक्षलाई आग्रह गरेपनि खासै ध्यान नदिएको बताउनु हुन्छ । नेपाल सरकारले जानकी जन्मोत्सवलाई आफ्ना संस्कृतिका रुपमा मनाउनको पहल गर्नु आवश्यक्ता रहेको छ । जनकपुरका धार्मिक पर्यटकिय नगरीका रुपमा विकास गर्न जानकी नवमी, विवाहपञ्चमी लगायतका पर्वहरुलाई विशेष महत्व दिएर यसमा भव्यता ल्याउन राज्य पक्षले सहयोग गर्नु जरुरी देखिन्छ ।
