काठमाडौं । प्रादेशिक क्रिकेट संघ वागमती प्रदेशको अध्यक्षमा निर्वाचित नेपाली राष्ट्रिय पूर्वकप्तान पारस खड्काले यसअघि क्रिकेटमा आपैmँले उठाउँदै आएको परिवर्तनका प्रश्न अब आपैmँमाथि आउने बताउनुभएको छ ।
ललितपुरस्थित धोबीघाटमा शुक्रवार भएको दोस्रो साधारण सभा तथा निर्वाचनबाट प्यानलसहित विजयी भएपछि पारसले सो धारणा राख्नुभएको हो । पूर्वकप्तान पारसले निकटम प्रतिष्पर्धी चितवनका उमेश पियालाई ९ मतले पराजित गर्नुभयो । अध्यक्ष पदमा विजयी भएपछि पारसले चार वटा जिल्लाको एउटा टिमले ३÷५ महिनादेखि तयारी गरेको र सोही टिम वर्कका कारण जित सम्भव भएको बताउनु भयो ।
साथै पारसले पहिलोपटक यसरी निर्वाचनमा भाग लिएको उल्लेख गर्दै दुई दशकदेखि क्रिकेट खेले पनि निर्वाचनमा जाँदा केही फरक अनुभुति भएको धारणा राखे । क्रिकेट खेल्न छाडेपछि क्रिकेटमा पदाधिकारीका रूपमा काम गर्ने शुरुवात भएको पनि उनले बताउनु भयो । यसअघि आपैmँ उठाउँदै आएको परिवर्तनको प्रश्न आपैmँमाथि आउने पनि उनको भनाई थियो ।
आगामी दिन वागमती प्रदेश क्रिकेटका लागि धेरै काम गर्ने लक्ष्य रहेका पनि पारसले बताएका छन् । निर्वाचनमा अध्यक्ष उम्मेदवारी घोषणा गर्नुभन्दा अगाडि अफ्ठयारो अवस्थामा रहेको पारसले खुलासा गर्नुभएको थियो । यद्यपि, चार वटा जिल्लाको साथले आत्मबल बढेर निर्वाचनमा भाग लिएको उनको भनाइ थियो ।
असोज ५ र ६ गते काठमाडौंमा तय भएको केन्द्रिय महाधिवेशनका लागि सबै प्रदेशको निर्वाचन सम्पन्न भएको छ । केन्द्रिय निर्वाचनमा पारसले सचिव पदमा दाबेदारी दिने चर्चा चलिरहेको भन्ने प्रश्नमा उनले क्यानको प्रदेशका नयाँ निर्वाचित टोलीसँग छलफल गरेर अगाडि बढ्ने बताउनु भयो ।
वागमती प्रदेशका कुल ६ जिल्लामध्ये चार जिल्लाले यसअघि नै पत्रकार सम्मेलनमार्पmत पारसको नेतृत्वमा प्रदेशको निर्वाचनमा होमिने जनाएको थियो । साथै अन्य पदमा भने चार जिल्लाले बाँडेर निर्वाचन लड्ने घोषणा गरेको थियो । सोहीअनुरूप पारसको प्यानलले नै समान २३ मत पायो । १२ पदका लागि निर्वाचन हुँदा नेपाली राष्ट्रिय महिला क्रिकेट टोलीकी पूर्वकप्तान निरा राजोपाध्याय भने सदस्यमा निर्विरोध चयन हुनुभयो । कुल ३७ जना प्रतिनिधिले नै मतदानमा भाग लिएका थिए । त्यसमध्ये पारसले २३ मत र चितवनका उमेशले १४ मत पाए ।
उनको प्यानलबाट उठेका अधिकांशले सोही अनुपातमा मत पाए । उपाध्यक्षमा प्रेमबहादुर क्षेत्री २३ मत प्राप्त उनका प्रतिद्वन्दी रूपक रञ्जितले १४ मत पाए । सचिवमा प्रशन्न शाक्य २३ मतसहित निर्वाचित हुँदा प्रज्वल सापकोटाले १४ मत मात्र प्राप्त गरे । कोषाध्यक्ष पदमा सञ्जय बस्नेत २३ मतका साथ विजयी हुँदा विजय बोहोराले १४ मत प्राप्त गरे । सदस्य पदमा पारसकै प्यानलका अजयवीर पाण्डे, अनिल अधिकारी, सञ्जोग श्रेष्ठ, सुजन महर्जन, धिरज श्रेष्ठ, शेखर श्रेष्ठ र वसन्तराज सत्यालले समान २३–२३ मत प्राप्त गरे ।
