बाजुरा । बडिमालिका मन्दिर दर्शनका लागि गएका दुईजना तिर्थयात्रीलाई नेपाली सेनाको हेलिकप्टरबाट उद्दार गरिएको छ ।
बाजुरा जिल्लास्थित बडिमालिका मन्दिर दर्शनका लागि गएका कालिकोट जिल्ला, कलपा गाउँपालिका, १ का ३९ वर्षिय धनप्रसाद न्यौपाने अचेत अवस्थामा त्रिवेणी पाटनस्थित खोलामा भेटिएको हुँदा उनलाई उद्दार गरिएको हो ।
नेपाली सेनाद्वारा संचालित स्वास्थ्य शिविरमा लगि प्राथमिक उपचार गरिए पश्चात थप उपचारको आवश्यकता भएकोले नेपाली सेनाको हेलिकोप्टर मार्फत क्षेत्रीय अस्पताल सुर्खेत लगिएको छ ।
यस्तै, सोही मन्दिर दर्शनको क्रममा लेक लागि विरामी परेकी बझाङ जिल्ला, जयपृथ्वी नगरपालिका, ९ की ६५ वर्षिय झुपुदेवी धामीलाई नेपाली सेनाको हेलिकोप्टरले उध्दार गरी जिल्ला अस्पताल बाजुरा पुर्याईएको छ ।
