काठमाडौं, २८ साउन । बिधान सम्मत नेपाल विद्यार्थी संघ गठनको निम्ति आन्दोलनरत असन्तुष्ट पक्षले आज नेपाली कांग्रेसका दुई शीर्ष नेताहरुलाई ज्ञापन पत्र बुझाएका छन् ।
नेविसंघ नेता दीपक ओझाको नेतृत्वको टोलीले आज डा.शेखर कोइराला र रमेश लेखकलाई ज्ञापनपत्र बुझाएको हो ।
शनिबार महामन्त्री द्धय गगन कुमार थापा र विश्वप्रकाश शर्मालाई ज्ञापनपत्र बुझाउन खोजेपनि उनीहरुले समय दिएनन् । द्धय महामन्त्रीले सुरुमा समय दिएर पनि अन्तिममा ज्ञापनपत्र बुझ्न् अस्वीकार गरेको नेता ओझाले गुनासो गरे ।
