दोस्रो पत्नी र छोरीसहित मन्दिर पुगे प्रभु देवा

एजेन्सी, १२ साउन । प्रभु देवा आफ्नो उत्कृष्ट नृत्य र हिट फिल्महरूको लागि परिचित छन् । तर, गत वर्ष उनको व्यक्तिगत जीवन चर्चामा आएको थियो । ४७ वर्षको उमेरमा उनले फिजियोथेरापिस्ट हिमानी सिंहसँग विवाह गरेको खबर आएको थियो ।

यसका लागि उनले कुनै आधिकारिक बयान जारी नगरेपनि यो कुरालाई धेरै समयसम्म संसारबाट लुकाउन भने सकेनन् । चौथो पटक बाबु बनेपछि प्रभु ५० वर्षको उमेरमा फेरि चर्चामा आए । हालै प्रभुदेवा आफ्नी श्रीमती र नवजात शिशुसँग पहिलो पटक तिरुपति मन्दिर पुगेका थिए । जसको भिडियो सामाजिक सञ्जालमा भाइरल भइरहेको छ ।

हालै प्रभु देवाको पछिल्लो भिडियो सार्वजनिक भएको छ । जसमा उनी दर्शनका लागि तिरुपति मन्दिरमा भिआइपी लाइनमा उभिएको देखिन्छ । यस क्रममा उनी क्यामेरा हेरेर मुस्कुराइरहेका छन् । यो भिडियो सामाजिक सञ्जालमा निकै भाइरल भइरहेको छ ।