जनकपुरधाम, १२ साउन । सप्तरीको तिलाठीमा एक युवकको शव हिलोमा फेला परेको छ । अर्का एक युवक घाइते अवस्थामा भेटिएको प्रहरीले जनाएको छ ।
तिलाठी कोइलाडी गाउँपालिका ७ मनसापुर गाउँ नजिक हनुमाननगर कंकालिनी नगरपालिका १० इनर्वाका २१ वर्षीय तिर्कनारायण मण्डलको शव हिलोमा फेला परेको हो ।
सप्तरी प्रहरीका अनुसार अजय मण्डल नामका अर्का युवक घाइते अवस्थामा फेला परेका छन् ।
स्थानीयले शुक्रबार बिहान ६ बजेतिर शव देखेपछि प्रहरीलाई खबर गरेका थिए । प्रहरीले घटनाबारे अनुसन्धान गरिरहेको जनाएको छ ।
