काठमाडौं,१२ साउन । काठमाडौं स्वयम्भू–१५ स्थित आनन्दकुटी विद्यापीठ स्कुलको प्रांगणमा स्नो मन्जुश्री संस्थाद्वारा सञ्चालित होस्टलका सञ्चालकलाई प्रहरीले पक्राउ गरेको छ ।
छात्रावासका बालिकाहरुमाथि यौन दुर्व्यवहार गरेको आरोपमा सञ्चालक सोनम घ्यामचे घले पक्राउ परेका हुन् । उनलाई पक्राउ गरी हिरासतमा लिएको र होस्टेलका पीडित ११ जना विद्यार्थीहरुलाई उद्दार गरिएको प्रहरीले जनाएको छ ।
राष्ट्रिय बाल अधिकार परिषद, काठमाडौ महानगरपालिका, बाल हेल्पलाइन १०९८ , छोरी सस्था र बाल अधिकारका लागि राष्ट्रिय अभियानको सयुक्त टोलिले स्थलगत निरीक्षण गरि प्रारम्भिक रुपमा पीडित बालबालिकाहरुले दिएको जानकारी गराएलगत्तै उनी पक्राउ परेका हुन् ।
