काठमाडौं, ५ साउन । उपप्रधान तथा गृहमन्त्री नारायणकाजी श्रेष्ठले सुन तस्करीमा जोडिएका जो कसैलाई पनि कारबाही गर्ने प्रतिबद्धता गरेका छन् ।
त्रिभुवन विमानस्थलको निरिक्षणपछि सञ्चारकर्मीहरुलाई ब्रिफिङ गर्दै सुन तस्करीमाथिको छानबिनलाई जरैसम्म पुर्याउने बताए ।
मन्त्री श्रेष्ठले राजस्व अनुसन्धान विभागले छानबिन गरिरहेको जानकारी गराउदैं सबै निकायले विभागलाई अनुसन्धानमा सघाउने पनि उल्लेख गरे ।
आवश्यकता परे सीआइबी, अपराध अनुसन्धान शाखाले पनि अनुसन्धान गर्नसक्ने उनको भनाइ थियो । विमानस्थलको भन्सारमा प्रहरीलाई पनि सामेल गराउने बारे सोचिरहेको पनि उनले जानकारी दिए ।
