काठमाडौं । नेपाली राष्ट्रिय महिला फुटबल टोलीकी स्टार स्ट्राईकर सावित्रा भण्डारी (साम्बा)ले युरोपको फुटबल क्लबबाट ब्यवसायिक फुटबल खेल्ने भएकी छन् ।
सावित्रालाई इजरायली क्लब हापोएल रानाना एएफसीले अनुबन्ध गरेको हो । हापोएलले मंगलबार सावित्रालाई अनुबन्ध गरेको सामाजिक सञ्जालमार्फत उल्लेख गरेको छ । सावित्रा यसअघि भारतको महिला लिग खेल्दै आएकी थिइन् ।
घरेलु फुटबलमा विभागीय टोली नेपाल एपिएफ क्लबबाट खेल्दै आएकी सावित्राले भारतमा दुई फरक क्लबबाट खेल्दै तीन वटा लिग उपाधि जितिसकेकी छन् ।
भारतको लिगमा सानदार प्रदर्शन गरेपछि सावित्रा युरोपेली क्लबमा छनोट हुन सफल भएकी हुन् ।
