एजेन्सी, २९ जेठ । बलिउडका चर्चित जोडी रणवीर सिंह र दीपिका पादुकोण आफ्ना आमाबुवासँग मुम्बईमा आफ्नो नयाँ घरको निर्माण स्थलमा पुगेका छन् । उनीहरुको भिडियो सामाजिक सञ्जालमा सार्वजनिक भएको छ । यस भिडियोमा रणवीर छोटो कपालमा देखिएका छन् । रिपोर्टका अनुसार दीपिका–रणवीरले शाहरुख खानको घर मन्नत नजिकै नयाँ घर खरिद गरेका छन् ।
भिडियोमा दीपिका कालो लुकमा देखिएकी छिन् । उनले कालो टिसर्टसँगै कालो प्यान्ट लगाएकी छिन् । जहाँ रणवीर छोटो कपालमा अनुहारमा मास्क लगाएका थिए । उनले कालो टी–सर्टको साथ एनिमल प्रिन्ट हाफ प्यान्ट लगाएका थिए।
सामाजिक सञ्जालमा भिडियोमा कमेन्ट गर्दै एक फ्यानले लेखेका छन्–‘मलाई रणवीरलाई लामो कपालमा हेर्ने बानी परेको छ मैले उनलाई चिन्न सकिन । त्यही क्रममा एक प्रयोगकर्ताले रणवीरको तारिफ गर्दै लेखे– रणवीर छोटो कपालमा निकै जवान देखिन्छन् ।’
त्यही क्रममा एक प्रयोगकर्ताले लेखेका छन्,‘रणवीर साँच्चै कालो टि–सर्ट लगाएर यहाँ उभिरहेका छन् । मैले यो भिडियो धेरै पटक हेरेको छु तर अझै पत्याउन सक्दिन कि यो रणवीर हो।’ दीपिका–रणवीरको नयाँ घर निर्माण भइरहेको छ । पीटीआईको रिपोर्टका अनुसार दम्पतीले मुम्बईको ब्यान्डस्ट्यान्डमा रहेको सागर रेशम भवनको १६, १७, १८ र १९ तल्लामा अपार्टमेन्ट किनेका छन् ।
यसको लागत लगभग ११९ करोड छ। रिपोर्टका अनुसार रणवीर र दीपिका करिब तीन वर्षदेखि मुम्बईको जुहु र बान्द्रामा परफेक्ट घर खोजिरहेका थिए । अन्ततः उनीहरुले सागर रेशमलाई फाइनल गरे । यो जोडीले अलिबागमा घर पनि किनेका छन् ।
