काठमाडौं, २९ जेठ । प्रधानमन्त्री तथा मन्त्रिपरिषदको कार्यालयमा नै सचिवहरु बेरोजगार भएका छन् । बिना काम सचिवहरुको भीड जम्मा पार्ने र हाजिर गराएर तलव खुवाउने काम प्रधानमन्त्री कार्यालयमा भएको छ ।
गत शुक्रबार मन्त्रिपरिषदले ५ जना सचिव सरुवा गरेकोमा २ जना मणिराम गेलाल र एकनारायण अर्याललाई प्रधानमन्त्री कार्यालयमा पठाएको हो । ५ जना को दरबन्दी रहेकोमा गेलाल र अर्याल थपिएपछि सचिवको संख्या ८ पुुगेको छ ।
प्रधानमन्त्री कार्यालयमा सचिवहरु हाल अर्याल, गेलाल, विनोदप्रकाश सिंह, उदयराज सापकोटा, गणेशप्रसाद पाण्डेय,बैकुण्ठ अर्याल,यादवप्रसाद कोइराला र खगेन्द्रप्रसाद नेपाल रहेका छन् । सचिव कोइराला असारमा सेवा निवृत्त हुँदैछन् ।
प्रधानमन्त्री कार्यालयले कहिले काँही त अतिरिक्त समुहमा सचिव थुपारेर ९ जनासम्म पुर्याउने गरेको छ ।
