काठमाडौं, १५ जेठ । राष्ट्रिय स्वतन्त्र पार्टीले जेल सजाय काटिरहेको रेशम चौधरीलाई सरकारले आममाफी दिने निर्णयको विरोध गरेको छ ।
२०७२ भदौ ७ गते टिकापुरमा भएको हिंसात्मक घटनामा दोषी ठहरी तीनै तहको अदालतबाट जन्मकैदको सजाय पाएका चौधरीलाई कैदमुक्त गर्न सरकार नै योजनावद्ध रुपमा लागेको पार्टीको ठहर छ ।
महामन्त्री मुकुन्द ढकालले एक विज्ञप्ती जारी गर्दै सरकारको उक्त कदम पूर्वाग्रही तथा आममाफीको मर्म विपरित मात्र नभई पीडितका सन्दर्भमा अन्यायपुर्ण समेत रहेको उल्लेख गरेका छन् ।
चौधरीलाई आममाफी दिनु विधि र विद्यमान कानुनी व्यवस्था अनुकुल नरहेकोले ढकालको दाबी छ ।
