काठमाडौं, १५ वैशाख । बिहीबार नियुक्त भएका गण्डकी प्रदेशका मुख्यमन्त्री सुरेन्द्रराज पाण्डेसहित २ मन्त्रीले शपथ लिएका छन् । मुख्यमन्त्रीमा पाण्डे, माओवादीकी शुशिला सिंखडा र कांग्रेसकी सरस्वती अर्यालले पनि मन्त्रीमा शपथ लिएका हुन ।
प्रदेश प्रमुख गुरुङले संविधानको धारा १६८ को उपधारा २ बमोजिम पाण्डेलाई प्रदेशको पाँचौं मुख्यमन्त्रीमा नियुक्त गरेका हुन् । कांग्रेस, माओवादी र एकीकृत समाजवादीका प्रदेशसभा सदस्यहरुको हस्ताक्षरसहित पाण्डेलाई मुख्यमन्त्री नियुक्त गर्न बिहीबार दाबी पेश गरिएको थियो । कांग्रेसका २७, माओवादीका ७ र मनाङबाट स्वतन्त्र सर्वसम्मत चुनाव जितेर एकीकृत समाजवादी प्रवेश गरेका भनिएका राजीव गुरुङको हस्ताक्षरसहित पाण्डेलाई मुख्यमन्त्री नियुक्त गर्न दाबी गरिएको थियो ।
केन्द्रमा सत्ता समीकरण फेरिएसँगै नेकपा माओवादीका भौतिक पूर्वाधार मन्त्री हरिबहादुर चुमान र पर्यटन मन्त्री रेशम जुग्जालीले राजीनामा दिँदै चैत १० गते समर्थन फिर्तालिएपछि एमालेका खगराज अधिकारी नेतृत्वको सरकार अल्पमतमा परेको थियो । खगराजले वैशाख ९ गते विश्वासको मत गुमाएका थिए ।
