एजेन्सी, ५ वैशाख । भारतीय माफिया अतीक अहमद र उनका भाइ अशरफको हत्या प्रकरणमा प्रहरीले ठूलो अपडेट दिएको छ । उत्तर प्रदेश पुलिसका एक वरिष्ठ अधिकारीका अनुसार एक सीसीटीभी फुटेज फेला परेको र जसमा तीन अभियुक्तहरू घटनामा संलग्न देखिन्छन्। प्रहरीका अनुसार दिउँसो यो सीसीटीभी फुटेज पनि फेला परेको थियो ।
पक्राउ परेकाहरुलाई तीनवटै अस्पताल र वरपरको क्षेत्रमा अनुगमन गरेको प्रहरीले जनाएको छ । यो फुटेज बाहिर आएपछि प्रहरीले अहिले सीसीटीभी फुटेजका लागि मात्रै टोली बनाएको छ, जसले २४ घण्टा फुटेजको अनुसन्धान गर्नेछ । प्रहरी स्रोतका अनुसार १४ गते सञ्चारकर्मीसँग कुरा गरेपछि तीनै अभियुक्त अस्पताल नजिकै तितरबितर भएका थिए ।
प्रहरीका अनुसार वैज्ञानिक प्रमाण संकलन भइरहेको छ । यी तीन अभियुक्त कहिले आए, कहाँ बसे, सबै जानकारी प्राप्त भएको छ ।
