काठमाडौं, ५ वैशाख । नेपालमा मंगलवारबाट एसीसी प्रिमियर कप शुरु हुँदैछ । दुवै खेल आज बिहान साढे ९ बजेबाट मुलपानी र कीर्तिपुर क्रिकेट मैदानमा शुरु हुन लागेको हो । मुलपानी मैदानमा हुने खेलमा हङकङ र सिंगापुरबीच प्रतिष्पर्धा हुनेछ भने कीर्तिपुरमा नेपाल र मलेसियाबीच खेल हुनेछ ।
मुलपानी मैदानमा आयोजना हुने पहिलो अन्तराष्ट्रिय खेल पनि हो । वैशाख १८ गते सम्म सञ्चालन हुने प्रतियोगिताका खेलहरु कीर्तिपुरस्थित त्रिभुवन विश्वविद्यालयको खेल मैदान र मुलपानीमा रहेको क्रिकेट मैदानमा खेल सञ्चालन हुनेछन् । कुल २४ खेल हुने प्रतियोगिताको फाइनल खेल वैशाख १८ गते कीर्तिपुरमा हुनेछ । यस प्रतियोगितामा १० राष्ट्र सम्मिलित छन् । १० टिमलाई दुई समूहमा विभाजन गरेर खेलाइनेछ । समूह एमा आयोजक नेपालसहित मलेसिया,साउदी अरेबिया, कतार र ओमान छन् । समूह बीमा बहराइन,कुवेत,सिंगापुर,हङकङ र युएई छन् । हरेक समूहमा शीर्ष स्थानमा रहने दुई टोलीले सेमिफाइनल खेल्नेछन् । फाइनल जित्ने टिम
एशिया कपका लागि छनोट हुनेछ ।
