काठमाडौं, १ बैशाख । आजदेखि नयाँ वर्ष २०८० साल सुरु भएको छ । गत वर्ष २०७९मा १ खर्ब १५ अर्ब ५ करोड बेरुजु निस्किएको छ ।
आज महालेखा परीक्षकको कार्यालयले सार्वजनिक गरेको २०७९ को वार्षिक प्रतिवेदनमा ७५ खर्ब ३३ अर्ब ९ करोडको लेखापरीक्षण भएकोमा बेरुजु निस्किएको हो ।
प्रतिवेदनमा संघीय सरकारी निकाय तथा कार्यालयको २८ अर्ब २० अर्ब ३७ करोडको लेखापरीक्षणबाट ४९ अर्ब ४७ करोड बेरुजु देखिएको छ ।
प्रदेश निकाय तथा कार्यालय १ हजार १३१ को २ खर्ब ९९ अर्ब ५७ करोडको लेखापरीक्षणबाट ७ अर्ब ४८ करोड बेरुजु निस्किएको छ ।
४४८ समिति तथा अन्य संस्थाहरुको २ खर्ब ६ अर्ब १२ करोड लेखापरीक्षणबाट १४ अर्ब १९ करोड बेरुजु देखिएको उल्लेख छ ।
स्थानीय तहको १० खर्ब ५१ अर्ब ९ करोडको लेखापरीक्षणबाट ४३ अर्ब ९० करोड बेरुजु निस्किएको उल्लेख छ ।
सबैभन्दा बढी प्रतिशत सरकारी समिति र संस्थाहरुमा ६.८९ र स्थानीय निकायमा ४.१८ प्रतिशत बेरुजु देखिएको छ ।
