काठमाडौं, २४ चैत्र । नेपाली सेनाले विभिन्न पदहरुमा दरखास्त आह्वान गरेको छ । सेनाले प्राविधिक/हवाई/विविध सेवा तर्फका पदिय तथा विल्लादार पदहरूमा दरखास्त खुलाएको हो । नेपाली सेना भर्ना छनौट निर्देशनालय, कार्यरथी विभाग जंगी अड्डाले गोरखापत्रमा सूचना निकालेर विभिन्न पदमा जागिर खुल्ला गरेको हो।
नर्सदेखि पुजारीसम्म पदपूर्ति गर्न सेनाले खुला तथा समावेशी प्रतियोगिताबाट दरखास्त मागेको हो ।
सूचनामा आजदेखि आगामी वैशाख २४ गतेसम्म फारम बुझाउने समय तोकिएको छ ।
नर्सिङमा ४२ जना, लेखामा ४६ जना र पुजारीमा ११ जनालगायत गरी विभिन्न पदका लागि सेनाले १५५ जना माग गर्दै दरखास्त आह्वान गरेको हो।
