काठमाडौं । प्रधानमन्त्री थ्रि नेसन्स कप उपाधि नेपालले चुमेको छ । त्रिपुरेश्वरस्थित दशरथ रंगशालामा भएको फाइनल खेलमा नेपालले लाओसलाई २–१ गोल अन्तरले पराजित गरेको हो ।
लाओसले खेलको पहिलो हाफमा सुरुआती अग्रता बनाएको थियो । खेलको १७औं मिनेटमा लाओसका फोउचाङभोङले गोल गरेका थिए ।
तर, त्यसको केहि समयमै नेपालले गोल फर्काएको थियो । नेपालका लागि खेलको २४औं मिनेटमा आयुष घलानले गोल गरेका हुन् ।
साथै नेपालका लागि मनिष डाँगीले विजयी गोल गरेका हुन् । प्रतियोगितामा प्रथम भएको नेपालले ५ हजार अमेरिकी डलर प्राप्त गरेको छ ।
साथै दोस्रो स्थानको लाओसले ३ हजार अमेरिकी डलर प्राप्त गरेको छ ।
