काठमाडौं, १४ चैत्र । नेपाली बजारमा आज सुनको भाउ ओरोलो लागेको छ । आइतबारदेखि घटेको सुनको भाउ आज पनि घटेको हो । आज सुन प्रतितोला १ हजार रुपैयाँले घटेको हो ।
आइतबार ६ सय, सोमबार २ सय रुपैयाँले घटेको थियो ।
नेपाल सुनचाँदी व्यवसायी महासंघको अनुसार छापावाल सुन प्रतितोला १ लाख ८ हजार रुपैयाँमा कारोबार भइरहेको छ ।
त्यस्तै, तेजाबी सुन प्रतितोला १ लाख ७ हजार ५ सय रुपैयाँमा खरिद विक्रि भइरहेको छ ।
यसैगरी, सेतो धातु चाँदीको मुल्य पनि आज घटेको छ ।
आज चाँदी प्रतितोला १३ सय ५५ रुपैयाँमा कारोबार भइरहेको महासंघले जनाएको छ ।
