काठमाडौँ, २५ फागुन । इजरायल सरकारले दोस्रो चरणमा पाँच सय जना नेपालीलाई रोजगारी दिने भएको छ । दोस्रो चरणमा केयर गिभरमा ५ सय जनालाई मात्रै रोजगारी दिने कोटा इजरायलले पठाएको हो ।
पहिलो चरणमा इजरायल गएकाबाहेक दोस्रो चरणमा एक हजार केयर गिभर लैजान नेपाल सरकारले इजरायली पक्षलाई निवेदन दिएकोे थियो ।
नेपालले यसअघि छनोटमा नपरेकालाई समेत लैजान गरेको अनुरोध गरेकामा इजरायल पक्षले अस्वीकार गर्दै आएको वैदेशिक रोजगार विभागले जनाएको छ । पहिलो चरणमा छनोट हुन नसकेका युवाले सुरुबाट नै नयाँ प्रक्रिया पूरा गरेर आवेदन दिनुपर्नेछ । इजरायलमा केयर गिभरको सहायक श्रमिकमा जाने नेपालीले मासिक १ हजार छ सय अमेरिकी डलर पारिश्रमिक पाउँदै आएका छन् ।
