काठमाडौं,१२ पुस। बैँक तथा वित्तिय संस्थाहरुले चालु आर्थिक वर्षको पहिलो त्रैमासको वित्तिय बिवरण कात्तिक १५ गते भित्र सार्वजानिक गर्नु पर्ने राष्ट्र बैकको निर्देशन थियो । तर हाल सम्म २३ वटा वाणिज्य बैकहरुले मात्र विवरण सार्वजानीक गरेका छन् । सार्वजनिक विवरणअनुसार, केही बैंकहरुको मुनाफा सन्तोषजनक भएपनि केही बैंकले लगानीकर्तालाई निराश बनाएका छन् ।
बैंकहरुले चालू आर्थिक वर्षको पहिलो त्रैमासको अपरिष्कृत वित्तीय विवरण धमाधम सार्वजनिक गरिरहेका छन् । हालसम्म २३ वटा बैंकले विवरण सार्वजनिक गरेका छन् । सार्वजनिक विवरणअनुसार, केही बैंकहरुको मुनाफा सन्तोषजनक भएपनि केही बैंकले लगानीकर्तालाई निराश बनाएका छन् । वित्तीय विवरण सार्वजनिक भइसकेका २३ वटा बैंकमध्ये, १३ वटा कम्पनीको नाफा बढेको छ भने १० वटा बैंकको नाफा घटेको छ ।
चालु आर्थिक वर्षको पहिलो त्रैमासमा नेपाल इन्भेष्टमेन्ट बैंकले सबैभन्दा धेरै खुद मुनाफा गरेको छ । बैंकले ८९ करोड ४९ लाख रुपैयाँ खुद मुनाफा आर्जन गरेको विवरण प्रस्तुत गरेको छ । गत आर्थिक वर्षको पहिलो त्रैमासमा नेपाल इन्भेष्टमेन्ट बैंकले ७४ करोड आठ लाख रुपैयाँ खुद मुनाफा आर्जन गरेको थियो ।
पहिलो त्रैमासको वित्तीय विवरणअनुसार, नविल बैंकले ८५ करोड १४ लाख रुपैयाँ खुद मुनाफा आर्जन गरेको छ । गत आर्थिक वर्षको पहिलो त्रैमासमा नविलले ७९ करोड ८३ लाख रुपैयाँ खुद मुनाफा आर्जन गरेको थियो । त्यस्तै, राष्ट्रिय वाणिज्य बैंकले तीन महिनामा ७० करोड ९५ लाख रुपैयाँ खुद मुनाफा आर्जन गरेको छ । गत आर्थिक वर्षको पहिलो त्रैमासमा राष्ट्रिय वाणिज्य बैंकले ५० करोड आठ लाख रुपैयाँ खुद मुनाफा आर्जन गरेको थियो । गत आर्थिक वर्षको तुलनामा खुद मुनाफामा सबैभन्दा धेरै प्रगति सिभिल बैंकले हासिल गरेको छ । बैंकले चालु आर्थिक वर्षको पहिलो त्रैमासमा ११ करोड ३३ लाख रुपैयाँ खुद मुनाफा आर्जन गरेको छ ।
गत आर्थिक वर्षको पहिलो त्रैमासमा सिभिलले जम्मा एक करोड ४५ लाख रुपैयाँ खुद मुनाफा आर्जन गरेको थियो । पहिलो त्रैमासमा अन्य नौ वटा बैंकहरुले पनि खुद मुनाफा बढाएका छन् । खुद मुनाफा बढाउने बैंकहरुमा एभरेष्ट बैंक, एनएमबि बैंक, नेपाल एसबिआई बैंक, सानिमा बैंक, प्राइम कमर्सियल बैंक, माछापुच्र्छे बैंक, एनआईसी एशिया बैंक, लक्ष्मी बैंक र जनता बैंकको नाफा बढेको छ ।
चालु आर्थिक बर्षको पहिलो त्रैमासको बिवरण सार्वजानीक गर्ने क्रममा केही बैंकहरुले आफ्नो बैंकको नाफामा गिरावट भएको बिवरण पनि सार्वजानिक गरिरहेका छन् । जसमा १० वटा बैंकले खुद मुनाफा घटेको बिवरण सार्वजानीक गरेका छन् । नाफा घटेका बैंकहरु मेगा बैंक, कुमारी बैंक, नेपाल बंगलादेश बैंक, सनराइज बैंक, सिद्धार्थ बैंक, बैंक अफ काठमाण्डू, सिटिजन्स बैंक, ग्लोबल आईएमई बैंक, कृषि विकास बैंक र हिमालयन बैंक हुन् ।
पहिलो त्रैमासमा मेगा बैंकको प्रदर्शन भने अत्यन्तै दयनीय देखिएको छ । बैंकले पहिलो त्रैमासमा जम्मा आठ करोड ११ लाख रुपैयाँ खुद मुनाफा आर्जन गरेको छ । गत आर्थिक वर्षको पहिलो त्रैमासमा मेगा बैंकले १४ करोड ६९ लाख रुपैयाँ खुद मुनाफा आर्जन गरेको थियो ।।
