काठमाडौं– नेकपा (एमाले) का अध्यक्ष केपी शर्मा ओलीले नेपालले सबैसँग मित्रता राखेको भन्दै कसैसँग पनि शत्रुता नरहेको टीप्पणी गरेको छन् ।
शुक्रबार नेकपा (एमाले)को परराष्ट्र विभागले आज यहाँ आयोजना गरेको अभिमुखीकरण कार्यक्रमलाई सम्बोधन गर्दै उनले नेपालमा कुनै प्रकारका सैनिक राख्न नदिने तर, कसैसँग शत्रुता पनि नराख्ने टीप्पणी गरेका हुन् ।
ओलीले नेपालले सबै राष्ट्रहरुसँग सन्तुलित, विश्वसनीय र भरपर्दो सम्बन्ध कायम राख्नुपर्ने बताएका छन् । उनले अन्तर्राष्ट्रियस्तरमा नेपालले सन्तुलित र विश्वसनीय शक्तिका रुपमा स्थापित हुने गरी सम्बन्ध कायम राख्नुपर्ने बताएका छन् ।
अध्यक्ष ओलीले विश्व शान्तिका लागि सबैले काम गर्नुपर्ने उल्लेख गर्दैै भने, “विश्वभरि नै शान्ति कायम हुन सकोस, सबै देशको सार्वभौमसत्ताको सम्मान हुन सकोस ।”
उनले कुनै पनि हिसाबले युद्धलाई साथ र समर्थन नगर्ने र संसारमै युद्ध अन्त्य गर्नुपर्नेमा जोड दिएका थिए ।
