काठमाडौं । काठमाडौंबाट पोखराका लागि उडेको यति एयरलाइन्सको जहाज आज बिहान दुर्घटना हुँदा विमानमा सवार ७२ जना जीवित नरहेको आशंका गरिएको छ ।
विमानमा सवार सबैको मृत्यु भएको नागरिक उड्ययन प्राधिकरणका एक उच्च अधिकारीले जानकारी दिएका छन् ।
चालकदल सहित ७२ जना यात्रु लिएर उडेको विमानमा कोही पनि जीवित रहने सम्भावना कम रहेको स्थानीयहरुको भनाइ छ ।
७२ सिट क्षमताको विमानमा चार जना चालकदलसहित ६८ जना यात्रुरहेको प्रहरीले जनाएको छ । आइतबार बिहान विमान सेती नदीको खोचमा दुर्घटनाग्रस्त भएको थियो ।
घटनास्थलमा अहिले उद्धारकार्य भइरहेको छ ।
