काठमाडौं । गण्डकी प्रदेशसभा सदस्यहरुले आज शपथ लिदैंछन् । दिउँसो १ बजे सांसदहरुलाई ज्येष्ठ सांसद मित्रलाल बस्यालले पद तथा गोपनियताको शपथ गराउने छन् ।
बस्याल पर्वत प्रदेश सभा–२ बाट निर्वाचित भएका थिए । बस्यालले बुधबार प्रदेश प्रमुुख पृथ्वीमान गुुरुङबाट शपथ लिएका थिए ।
गण्डकी प्रदेशमा ६० जना सांसद निर्वाचित भएका छन् ।
सबैभन्दा धेरै नेपाली कांग्रेसले २७ सिटमा जित हासिल गरेको छ ।
नेकपा (एमाले)ले २२, नेकपा (माओवादी केन्द्र)ले ८, राप्रपाले २ र नेकपा (एकीकृत समाजवादी)ले एक सिटमा जित हासिल गरेको छ ।
