काठमाडौं । कतारमा जारी फिफा विश्वकप फुटबलको तेस्रो स्थानको लागि भएको खेलको पहिलो हाफमा क्रोएसियाले अग्रता बनाएको छ ।
मिडफिल्डर मिस्लाभ ओरसिचको गोलको सहयोगले क्रोएसियाले ४२ मिनेटमा अग्रता बनाएको हो ।
लिभाजाको पासमा ओरसिचले मोरक्कोका गोलरक्षकको गोल पोस्टभन्दा अगाडि निस्किएको अवस्थाको फाइदा उठाउदै गोल गरे।
यसअघि ७ मिनेटमा क्रोएसियाले लिएको अग्रतालाई मोरक्कोले दुई मिनेटमा बराबरी गरेको थियो।
क्रोएसियाका लागि जास्को गाभार्डिओलले इभान पेरिसिचको पासमा गोल गरेका थिए। ९ मिनेटमा अचरफ डारीले बराबरी गोल गरेका थिए।
