काठमाडौं, ५ मंसिर । चिकित्सकहरुको दक्षिण एशीयाली क्षेत्रीय सम्मेलन आगामी मंसिर ९ र १० गते काठमाडौंमा हुने भएको छ । मंगलबार काठमाडौंमा पत्रकार सम्मेलन गरी विभिन्न देशको स्वास्थ्य उपचार विधिको अनुभव आदान प्रदान गर्ने उद्देश्यका साथ चिकित्सकहरुको दक्षिण एशीयाली क्षेत्रीय सम्मेलन आयोजना गर्न लागि जानकारी दिइएको हो ।
सम्मेलनबाट चिकित्सकहरुलाई गुणस्तरीय उपचार सेवा प्रवाहमा टेवा मिल्ने मेला आयोजक समितिका अध्यक्ष प्राध्यापक डाक्टर प्रताप नारायण प्रसादले विश्वास व्यक्त गरे ।
२ दिनसम्म चल्ने सम्मेलनमा स्वदेशी करिव ४ सय तथा विदेशी १ सय ५० जना भन्दा बढि चिकित्सकहरु सहभागी हुनेछन् । सम्मेलनको राष्ट्रपति विद्या भण्डारीले उदघाटन गर्ने कार्यक्रम छ ।
