फलेवास, ४ मंसिर । पर्वतको गुप्तेश्वर गुफाका पुजारीको शंकास्पद मृत्यु भएको छ। जिल्लाको सदरमुकाम कुश्माबजार नजिकै रहेको प्रसिद्ध धार्मिक स्थल गुप्तेश्वर गुफाका सहायक पुजारीको शंस्कास्पद मृत्यु भएको हो।

जलजला गाउँपालिकाको लेकफाँट घर भएका अन्दाजी ५० बर्षीय पुजारी गिरीधारी शर्माको मृत्यु भएको जिल्ला प्रहरी कार्यालय पर्वतले जनाएको छ। प्रहरीका अनुसार शर्माको शव गुफा परिसरमा भेटिएको हो। शर्माको मृत्युको कारण भने खुल्न नसकेको प्रहरीले जनाएको छ।

घिमिरेले अनुसन्धानपछि मात्रै हत्या, आत्महत्या वा स्वाभाविक मृत्युभन्ने बारेमा बताउन सकिने जानकारी दिए। शर्माको शवलाई पोष्टमार्टमका लागि जिल्ला अस्पताल पर्वतमा राखिएको छ।