माघ २०, कञ्चनपुर , क्ञ्चनपुरमा आज एक्सपर्ट क्रिक्रेट लिगको उद्घाटन भएको छ । आज कञ्चनपुर जिल्ला महेन्द्रनगरको खुला मञ्च बाट एक्सपर्ट स्कुल क्रिक्रेट लिगको उद्घाटन भएको हो । हिमालयन क्रिक्रेट एकेडेमी को आयोजना र एक्सपर्ट एजुकेशनको सहयोगमा खेल सुरु भएको छ । कञ्चनपुर जिल्ला वाट सुरु भएको खेल कैलाली , चितवन , पोखरा , काठमाडौ , झापा हुदै देश भरका ८ जिल्ला सम्म हुने र देशलाइ चिनाउनलाइ खेलको आवश्यक्ता भएकोले क्रिक्रेटको आयोजना गरिएको हिमालयन क्रिक्रेट एकेडेमी का अध्यक्ष शक्ती सिह भण्डारीले बताउनु भएको छ ।
सर्व प्रथम जिल्लामा रहेका खेलाडी हरुलाइ छनोट गरी फाल्गुनमा नेशनल एक्सपर्ट क्रिक्रेट लिग खेलाइने आयोजकले जनाएको छ । क्ञ्चनपुरमा आयोजना गरिएको एक्सपर्ट क्रिक्रेट लिगमा १६ टिम रहेका छन् भने खेल फल्गुन ८ गते सम्म चल्ने छ । कार्यक्रमको उद्घाटन हिमालयन क्रिक्रेट एकेडेमी का अध्यक्ष करन सिह पाल , प्रमुख अतिथी व्यवस्थापिकाका सासंद कृपाराम रानाले गरेका थिए ।
