१८ माघ, काठमाडौं । दक्षिण एसियाली क्षेत्रीय सहयोग संगठन (सार्क) कार्यक्रम समितिको ५३ औँ बैठक बुधबारबाट काठमाडौंमा सुरू हुँदैछ ।
सार्क अध्यक्षका नाताले नेपालले कार्यक्रम समितिको बैठक आयोजना गर्न लागेको हो । सार्क सचिवालयको सक्रियतामा हुन लागेको बैठकमा आठ वटै सदस्य मुलुकका परराष्ट्र, विदेश–बाह्य मामिला मन्त्रालयमा क्षेत्रीय संगठनको जिम्मेवारी पाएका सहसचिवले भाग लिनेछन् ।
गत चैतदेखि हालसम्म भएका सार्कका गतिविधि, सार्क सचिवालय सञ्चालनका साथै आगामी वर्षको बजेट लगायतका विषयमा बैठकमा छलफल हुने परराष्ट्र मन्त्रालय, क्षेत्रीय संगठन महाशाखा प्रमुख मणिप्रसाद भट्टराईले जानकारी दिनुभयो ।
