कोरोना संक्रमण बढेपछि ललितपुर र भक्तपुरका सीडीओले बोलाए सर्वपक्षीय बैठक | ईमाउण्टेन समाचार

Our Network

फागुन १४ २०८०, सोमबार

कोरोना संक्रमण बढेपछि ललितपुर र भक्तपुरका सीडीओले बोलाए सर्वपक्षीय बैठक

काठमाडौं । कोरोना संक्रमण बढेपछि उपत्यकाका दुई जिल्ला भक्तपुर र लललितपुरका प्रमुख जिल्ला अधिकारीले सर्वपक्षीय बैठक बोलाएका छन् । उपत्यकामा स्वास्थ्य सतर्कता र पूर्वतयारीका काम अघि बढाउने तयारीका साथ दुवै प्रजिअले सर्वपक्षीय बैठक बोलाएका हुन् । स्वास्थ्य मापदण्ड पालनामा कडाइ गर्ने, खोप कार्यक्रमलाई तीव्रता दिने र स्वास्थ्य पूर्वाधार तयारी अवस्थामा राख्ने गरी तयारी थालिएको हो ।

जिल्लामा आ–आफ्नो ढंगले गर्नुपर्ने कामको तयारीका लागि ललितपुर र भक्तपुरका प्रमुख जिल्ला अधिकारीहरुले आज सर्वपक्षीय बैठक बोलाएका छन् । छुट्टाछुट्टै छलफल गरेपछि तीनवटै प्रमुख जिल्ला अधिकारीहरुको संयुक्त बैठक बसेर आवश्यक निर्णय लिइने छ ।

भक्तपुरकी प्रमुख जिल्ला अधिकारी रुद्रादेवी शर्माले सकेसम्म आजै, नसके भोलि संयुक्त बैठक बस्न सक्ने बताइन् । संयुक्त बैठक बस्नुअघि आज आफूले जिल्लाका राजनीतिक दलका नेता, जनप्रतिनिधिहरु, सुरक्षा अधिकारीहरु, नागरिक समाज, पत्रकार, गैरसरकारी संस्थाका प्रतिनिधि लगायतसँग परामर्श लिन लागेको उनले जानकारी दिइन् । त्यसका लागि आज दिउँसो दुई बजे जिल्ला प्रशासन कार्यालय भक्तपुरमा बैठक बोलाइएको छ ।

Leave a Reply