एजेन्सी, २२ कार्तिक। सामाजिक सञ्जाल ट्वीटरमा अब २८० अक्षरसम्म लेख्न सकिने व्यवस्था आएको छ। अहिले ट्वीटरमा जम्मा १४० अक्षर मात्र लेख्न पाउने व्यवस्था छ।
ट्वीटरले हिजो आधिकारिक रुपमा जानकारी दिँदै अबदेखि सबै ट्वीटर प्रयोगकर्ताले २८० अक्षरसम्म ट्वीट गर्न सक्ने बताएको छ। सन् २००६ मा ट्वीटर सुरूवात भएदेखि नै १४० अक्षरमा ट्वीट गर्न सकिने व्यवस्था थियो।
ट्वीटरका अनुसार सो सेवा जापानिज, चाइनिज र कोरियन भाषा बाहेकको अन्य भाषामा उपलब्ध रहेको बताइएको छ। ट्वीटरले अंग्रेजी, स्पेनिस जस्ता भाषामा १४० अक्षरमा ट्वीटगर्न समस्या भएको भन्दै यसलाई बढाएर २८० सम्म पुर्याइएको जानकारी दिएको छ।
