एजेन्सी । इंग्लिस प्रिमियर लिगमा लिभरपुलले आफ्नो अपराजित यात्रा कायमै राखेको छ ।
शनिबार भएको खेलमा लिभरपुलले वार्डफोर्डमाथि ५–० को फराकिलो जित निकाल्दा लिभरपुलका स्ट्राइकर रोबर्टो फिरिमिनोले ह्याट्रिक पुरा गरे । त्यस्तै‚ लिभरपुलको जितमा थप दुई गोल साडिओ माने र मोहम्मद सलाहले गरेका हुन् ।
मानेले खेलको ९ मिनेटमा गोल गर्दै टिमलाई सुरूवाती अग्रता दिलाए । त्यस्तै लिभरपुलका स्टार स्ट्राइकर मोहमद्ध सलाहले खेलको ५४ औ मिनेटमा गोल गर्दै आफ्नो निरन्तर गोल यात्रा जारी राखे । सलाहले प्रिमियर लिगम सर्वाधिक गोल गरेका अफ्रिकन खेलाडी डिडिओ ड्रोग्बाको १०४ गोलको कीर्तिमान बराबरी गरे ।
फिरमिनोले २०१८ पछि पहिलो पटक ह्याट्रिक गरेका हुन् । यो जित सँगै लिभरपुल ८ खेल सम्म आफ्नो अपराजित यात्रा कायम राख्न सफल भएको छ । लिग अंक तालिकामा लिभरपुलको १८ अंक भएको छ ।
