काठमाडौँ । सँधै पानी तान्ने इनारमा डुबेको अवस्थामा ठूलो परिमाणमा सुन र चाँदीका गरगहनाहरु बरामद हुन थालेपछि स्थानीय बासिन्दा अचम्मित भएका छन्। इनारमा ठूलो परिमाणमा गहना लुकाइएको थाहा पाएपछि प्रहरीले नै यहाँ खोजतलासी सुरु गरेको थियो।

भारतको मुम्बइ शहरमा भएको एक डकैतीपछि प्रहरीले इनारहरुमा खोजतलास गरिरहेको थियो। गत अक्टोबर २१ का दिन मुम्बइको कुरार भिलेज क्षेत्रको एक मोबाइल पसलमा चोरी भएको थियो। चोरीपछि चोरीका सामान लुकाइएको स्थान खोजीकै क्रममा यी गहना फेला परेका हुन्। प्रहरीले ३ जनालाई पक्राउ गरेको छ।

पक्राउ परेका उनीहरुसँग प्रहरीले सोधपुछ गर्दा उनीहरुले चोरीको सामान इनारमा लुकाउने गरेको बताएका थिए। प्रहरीले इनार फेला पारेसँगै त्यहाँको पानी निकालेर हेर्दा केही सामानका थौलाहरु भेट्टिएका थिए। ती थैलामा ठूलो परिमाणमा सुनचाँदीका गहना भेटिएको हो।