काठमाडौं । नेपालमा पछिल्लो २४ घण्टामा २ हजार ५ सय ५२ ले कोरोना भाइरसलाई जित्न सफल भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार ५ सय ५२ संक्रमणमुक्त भएका हुन् । यो सँगै नेपालमा कोरोना संक्रमणमुक्त हुनेको संख्या ६ लाख ९ हजार २ सय १८ पुगेको छ ।
त्यसैगरी पछिल्लो २४ घण्टामा १ हजार ६ सय ३ मा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएका ८ हजार १ सय ३२ पीसीआर परीक्षणमध्ये १ हजार ६ सय ३ मा संक्रमण पुष्टि भएको हो ।
मन्त्रालयका अनुसार पछिल्लो २४ घण्टमा २७ संक्रमितले ज्यान गुमाएका छन् । हालसम्म नेपालमा ९ हजार २ सय २५ ले संक्रमणका कारण ज्यान गुमाईसकेका छन् ।
