काठमाडौं । नेपालमा पछिल्लो २४ घण्टामा ८ हजार २ सय ४३ जना कोरोना संक्रमणबाट मुक्त भएका छन् । शुक्रबार स्वास्थ्य मन्त्रालयले दिएको जानकारीअनुसार हालसम्म नेपालमा ८२. ८ प्रतिशत कोरोना संक्रमणबाट निको भएका हुन् ।
त्यसैगरी पछिल्लो २४ घण्टामा ५ हजार ४२ जनामा संक्रमण पुष्टि भएको छ । मन्त्रालयका अनुसार देशभर गरिएका १६ हजार ८ सय १४ जनाको पीसीआर–एन्टिजेन परीक्षणमा ५ हजार ४२ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ६८ संक्रमितले ज्यान गुमाएका छन् । योसंगै नेपालमा कोरोना संक्रमणबाट मृत्यु हुनेको संख्या ७ हजार ७ सय ९९ पुगेको छ ।
