काठमाडौँ। आज सगरमाथा दिवश ।विश्वको सर्वोच्च शिखर सगरमाथामा पहिलोपटक मानवले पाइला टेकेको दिनको सम्झनामा अन्तर्राष्ट्रिय सगरमाथा दिवस मनाइँदै छ । सगरमाथामा मानव पाइला पुगेको ६८ वर्ष भएको छ ।
दुई साहसी आरोही तेञ्जिङ नोर्गे शेर्पा र सर एडमन्ड हिलारीले सन् १९५३ मे २९ तारिखका दिन साबिक आठ हजार ८४८ मिटर अग्लो (हाल ८ हजार ८४८.८६ मिटर) सगरमाथामाको चुचुरोमा पुगी विश्वलाई मानवीय साहस र क्षमताको प्रदर्शन गरेको दिनलाई अन्तराष्ट्रिय दिवसकारुपमा मनाउने गरिन्छ ।
सोही ऐतिहासिक घटनाको स्मरण गर्दै मे २९ लाई अन्तर्राष्ट्रिय सगरमाथा दिवसका रूपमा नेपाल र विदेशमा समेत विभिन्न कार्यक्रमका साथ मनाउँदै मनाउने गरिन्छ । आरोही हिलारीको सन् २००८ जनवरी ११ मा निधन भएको थियो।
सगरमाथामा मानव पाइला पुगेको उक्त घटनाले विश्वभर नै ठूलो चर्चा पायो र नेपाललाई सगरमाथाको देश भनेर संसारभर चिनाउनेका कामको आरम्भ समेत भएको थियो । सगरमाथाको चुचुरोमा पहिलो मानव पाइला पुगेसँगै अहिलेसम्म झण्डै ९ हजार पर्वतारोहीले शिखर चुमिसकेका छन्। विश्वका आठ हजार मिटरभन्दा अग्ला १४ हिमालमध्ये नेपालमा आठवटा छन्।
