कपिलवस्तु। कपिलवस्तु प्रहरीले बुधबार निषेधाज्ञाको समयमा पनि अत्यावश्यक नभई सडकमा गुडेका ९९ सवारी साधनलाई नियन्त्रणमा लिई कारबाही गरेको छ ।
बुधबार कपिलवस्तु निषेधाज्ञाको दोश्रो दिन निषृधाज्ञा अवज्ञा गर्ने ९९ सवारी साधनलाई कारबाही गरेको प्रहरीले जनाएको छ ।
आफु खुसी सवारी साधनमा आवत– जावत गर्ने व्यक्तिहरुबाट ९४–मोटरसाईकल, ४–अटोरिक्सा र १–ट्याक्टर गरी ९९ सवारी साधनहरु निषेधाज्ञाको अवज्ञा गरेकाले नियन्त्रणमा लिई तोकिएको कानून बमोजिम आवश्यक कारवाही गरिएको छ ।
साथै, अनावश्यक हिंड–डुल गर्ने व्यक्तिहरुलाई केही समय होल्ड गरी सम्झाई–बुझाई, मास्क प्रयोग नगरेका व्यक्तिहरुलाई मास्क समेत दिई प्रहरीले घर पठाईएको छ ।
कपिलवस्तुमा कुल संक्रमितको संख्या तीन हजार १ जना छ भने २ हजार १ सय ७२ जना निको भएर घर फर्किसकेका छन् । कपिलवस्तुमा हाल सक्रिय संक्रमितको संख्या आठ सय २९ रहेको छ, भने मुत्यु संख्या ५६ पुगेको जिल्ला जनस्वास्थ्य कार्यालय कपिलवस्तुले जनाएको छ ।
हाल विश्वकै अवस्था जीवन– मरणको संघारमा रहेको र मानवीय जगतको अस्तित्वका लागि पनि केही समय घर भित्रै रहेर साथ र सहयोग गरिदिनु हुन जिल्ला प्रहरी कपिलवस्तुले अपिल समेत गरेको छ ।
