काठमाडौं, १ चैत । नेपालमा पछिल्लो २४ घण्टामा ५३ जना कोरोना भाइरसका नयाँ संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएको २ हजार ६सय १५ पीसीआर परीक्षणमध्ये ५३ जनामा संक्रमण पुष्टि भएको हो ।
योसँगै नेपालमा कुल संक्रमित संख्या २ लाख ७५ हजार २ सय ३१ पुगेको छ । त्यसैगरी पछिल्लो २४ घण्टामा ७७ जना कोरोना संक्रमणमुक्त भएका छन्। स्वास्थ्य मन्त्रालयको तथ्यांक अनुसार हालसम्म २ लाख ७१ हजार ३ सय २६ जना संक्रमणमुक्त भएका छन्।
पछिल्लो २४ घण्टामा मृत्यु हुनेको संख्या शून्य रहेको स्वास्थ्य मन्त्रालयले जनाएको छ । हालसम्म नेपालमा संक्रमणबाट ३ हजार १४ जनाको मृत्यु भएको छ ।
