काठमाडाैं, १० साउन । सहरी विकास मन्त्रालयले काठमाडौं उपत्यकामा निर्माण भइरहेका विभिन्न चार आयोजनाको अवलोकन गरेको छ ।
सहरी विकास राज्यमन्त्री रामवीर मानन्धर सहितको टोलिले सिंहदरबारमा निर्माण भइरहेको संघीय संसद भवन, ललितपुरको सैंबु भैसेपाटीमा निर्माण भइरहेको राष्ट्रिय सभा अध्यक्ष, उपाध्यक्ष, प्रतिनिधि सभाका उप–सभामुख,संघीय मन्त्रीहरुको आवास, र प्रदेश प्रमुख तथा मुख्य मन्त्रीहरुको सम्पर्क कार्यालय र ललितपुरकै गोदावारीमा निर्माण भइरहेको सम्मेलन केन्द्रको अवलोकन गरेको हो ।
अवलोकनपछि राज्यमन्त्री मानन्धरले कोरोनाले आंशिक प्रभाव पारेपनि तोकिएको समय भित्रै निर्माण सम्पन्न हुने गरी काम भइरहेको बताउनुभयो । अवलोकनपछि टोलीले निर्माणकार्य प्रति सन्तुष्टि जनाउँदै सबै आयोजना समयमै सकिने विश्वास लिएको छ ।
