नेपालमा महिला तथा बालिकामाथि हुने जघन्य हिंसाहरु नँया होइनन्, तर यी घटनाहरुको दोहोरिने क्रमले समाजलाई गम्भीर प्रश्नको घेरामा उभ्याएको छ । समय बित्दै गयो,सरकार फेरियो, प्रतिबद्धताहरु आए गए, तर पीडित परिवारले न्यायको अनुभूति भने गर्न अहिलेसम्म सकेनन् ।

एउटा जघन्य अपराधको घटना सेलाउन नपाउँदै अर्को घटना सार्वजनिक हुन्छ, अनि समाज फेरि आक्रोशित हुुन्छ तर केही समयपछि त्यो आक्रोश पनि बिस्तारै सेलाउँदै जान्छ । अनि प्रश्न उठ्छ, किन यस्तो भइरहेको छ ? किन बलात्कार र हत्या जस्ता जघन्य अपराधहरु रोकिन सकेका छैनन् ? किन दोषीहरुलाई समयमै कारबाही हुँदैन ? र सबैभन्दा महत्वपूर्ण, कहिलेसम्म पीडितहरुले न्यायको पर्खाइमा बसिरहनु पर्ने ? सुर्खेतकी किशोरी इनिसा विकको फागुन २३ गते बलात्कारपछि भएको हत्याको अनुसन्धानमा देखिएको अन्योलले फेरि एकपटक प्रहरी अनुसन्धानको विश्वसनीयतामाथि प्रश्न उठाएको छ ।

यसैबीच नेपाल प्रहरीको केन्द्रीय अनुसन्धान ब्युरो (सीआईबी)लाई घटनाको छानबिनमा संलग्न गराइएको समाचारले सही दिशामा अनुसन्धान अघि बढ्ने अपेक्षा पनि जगाएको छ । नेपालमा बालिका र महिलामाथि हुने जघन्य अपराधले बेलाबेला समाजलाई झस्काइरहेका छन् तर त्यस्ता घटनाको अनुसन्धानमा देखिने कमजोरी झन् चिन्ताको विषय बनेको छ । बलात्कारपछि हत्या भएको घटनाहरुको वर्षौ बितिसक्दा पनि न्याय भने अझै अधुरै छ ।

यसअघि कञ्चनपुरकी १३ वर्षीया निर्मला पन्तको बलात्कारपछि हत्या भएको घटनाले नेपालमा अनुसन्धान प्रणालीकै विश्वसनीयतामाथि गहिरो प्रश्न खडा गरेको थियो । त्यस घटनाले देशव्यापी आक्रोश र आन्दोलन त जन्मायो तर अनुसन्धानमा गम्भीर कमजोरी देखियो । समस्या केवल एउटा अपराधीमा सीमित देखिँदैन । घटनास्थलमै प्रमाण नष्ट हुनेदेखि अनुसन्धानलाई दिशाहीन बनाउने त्रुटिहरूले सत्य पत्ता लगाउने प्रक्रिया नै कमजोर बनायो ।

अपराध अनुसन्धान भनेको प्रमाणले देखाएको बाटो पछ्याउने प्रक्रिया हो । तर जब अनुसन्धानलाई राजनीतिक दबाब, प्रशासनिक हतारो वा सार्वजनिक आक्रोशले निर्देशित गर्न थालिन्छ, सत्य झन् टाढा पुग्ने खतरा बढ्छ । इनिसा विकको हत्यापछि देशका विभिन्न ठाउँमा विरोध प्रदर्शन भइरहेका छन् । दोषीलाई कडा कारबाही गरिनुपर्छ भन्ने माग स्वाभाविक र न्यायसंगत हो । तर न्यायको माग र अनुसन्धानमाथिको अनावश्यक दबाबबीच सन्तुलन कायम रहनु पनि उत्तिकै आवश्यक हुन्छ ।

सबैभन्दा महत्त्वपूर्ण यस घटनालाई अर्को ’निर्मला काण्ड’ बन्न नदिनु हो । त्यसका लागि प्रहरीले प्रमाणमा आधारित निष्पक्ष अनुसन्धान गर्नुपर्छ । राज्यले शोकाकुल आमाबाबुलाई राजनीतिक हस्तक्षेप हुन नदिने सुनिश्चितता दिनुपर्छ भने नागरिक समाजले पनि न्यायको पक्षमा उभिँदा अनुसन्धानलाई भ्रमित गर्ने हतारोबाट जोगिनुपर्छ । अब प्रश्न केवल एउटा घटनाको समाधानमा मात्र सीमित छैन । यो प्रश्न राज्यको उत्तरदायित्व, कानुनी प्रणालीको विश्वसनीयता र समाजको चेतनासँग जोडिएको छ ।

काठमाडाैं । काठमाडौंमा घोडेजात्रा पर्व मनाइएको छ । राष्ट्रपति रामचन्द्र पौडेलको उपस्थितिमा काठमाडौंको टुँडिखेलमा एक विशेष समारोहका बीच जात्रा सम्पन्न भएको हो ।

समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, राष्ट्रिय सभाका अध्यक्ष नारायणप्रसाद दाहाल, पूर्वप्रधानमन्त्रीहरु, मन्त्रीहरुलगायतका उपस्थिति रहेको थियो । समारोहमा नेपाली सेनाका तर्फबाट अश्वकला, मोटरसाइकल खेल, शारीरिक व्यायाम, युद्धकला लगायतको प्रदर्शन गरिएको थियो ।

काठमाडौं उपत्यकामा चैत्र कृष्ण औँशीका दिन प्रत्येक वर्ष मनाइने घोडे जात्रा पर्व मनाउने गरिन्छ । जनविश्वास अनुसार टुँडिखेलको पूर्व–दक्षिण दिशामा रहेको एउटा रूखमा वास गर्ने गुरुमापा भन्ने राक्षसले शहरका बालबालिकालाई खाने गरेको थियो । पीडित स्थानीयवासीले विभिन्न उपायले त्यसलाई संहार गरे ।

राक्षसको प्रेतात्मा फेरि जागा भई बालबालिकालाई अनिष्ट गर्नसक्ने भय स्थानीयवासीमा रहिरह्यो । यसै कारण प्रत्येक वर्ष चैत्र कृष्ण औँशीका दिन घोडेजात्रा गरी गुरुमापाको आत्मालाई घोडाको टापले कुल्चाएर दबाउने गरिएको किवदन्ती छ । शहरका कुनैपनि बालबालिकामाथि खतरा नहोस् भनी आजै राति त्यही रूखको फेदमा गुरुमापालाई खानेकुरा पनि दिइन्छ । यसो गरेपछि वर्षभर बालबालिकालाई गुरुमापाबाट खतरा नहुने विश्वास राजधानीवासीमा छ ।

यसै अवसर पारेर सरकारले बुधवार (आज) काठमाडौं उपत्यकामा सार्वजनिक विदा समेत दिएको थियो ।

काठमाडाैं । काठमाडौं महानगरपालिकाले टुँडिखेललाई व्यवस्थित बनाउने योजना अघि बढाएको छ । महानगरले टुँडिखेलको सैनिक मञ्च दक्षिणपट्टि रहेको मैदानलाई हरियाली बनाउने योजना अगाडी बढाएको हो । महानगरले ६१ हजार २ सय ६३ वर्गमिटर क्षेत्र रहेको सो मैदानलाई समथर बनाएर बरुनाग्रास दुबो रोप्ने तयारी गरेको छ । महानगरको आर्थिक वर्ष २०८२/०८३ को योजना उक्त क्षेत्रलाई व्यवस्थित खुला मैदानका रूपमा विकास गर्न लागिएको महानगरका वरिष्ठ इञ्जिनियर अर्जुन अर्यालले जानकारी दिनुभयो । महानगरले दुबो रोप्नको लागि आवश्यक काम थालनी गरिसकेको छ । यस परियोजनाको लागत अनुमान ४ करोड २५ लाख रुपैयाँ रहेको छ । महानगरले २०८३ पुस मसान्तसम्म काम सक्नेगरी २ करोड ७० लाख रुपैयाँमा ठेक्का सम्झौता गरेको इन्जिनियर अर्यालले जानकारी दिनुभयो ।

महानगरले टुँडिखेललाई हरियाली बनाउने बाहेक अन्य कुनै स्थायी संरचना निर्माण नगर्ने पनि स्पष्ट पारेको छ । मैदानलाई हरियाली बनाउनको लागी आवश्यक केही संरचना भने निर्माण गरिने इन्जिनियर अर्यालले जानकारी दिनुभयो । उहाँकाअनुसार मैदान व्यवस्थापनका लागि शुरुमा लेभलिङ गर्ने कार्य गरिनेछ । त्यसपछि तीन इन्च मलिलो माटो राखेर दुबो रोप्ने उहाँले बताउनु भयो । मैदानको चार कुनामा पानीको लागि बोरिङ संरचना निर्माण गरिने छ । उहाँकाअनुसार पानी पुनर्भरणका लागि १.२ मिटर व्यासका १० वटा ‘वाटर रिचार्ज पिट’ निर्माण गर्ने योजना पनि समावेश छ । यसले काठमाडौं उपत्यकामा बढ्दो सुक्खापन न्यूनीकरण गर्न सहयोग पुग्ने उहाँले बताउनुभयो ।

महानगरले निर्माणपछि मैदान व्यवस्थापनलाई पनि प्राथमिकतामा राखेको छ । महानगरले हेरालु र माली खटाएर दुबोको नियमित स्याहार, मल हाल्ने र पानी व्यवस्थापन गर्ने योजना बनाएको महानगरका वरिष्ठ इञ्जिनियर अर्यालले बताउनु भयो ।
टुँडिखेल महानगरभित्रको सबैभन्दा ठूलो खुला क्षेत्र हो । यहाँ विभिन्न सभा–समारोह तथा सर्वसाधारणहरुले विहान बेलुका शारीरिक व्यायाम लगायतका कार्यहरु गर्ने गरेका छन् । महानगरले टुँडिखेलको व्यवस्थापन गर्नको काम शुरु गरेपछि यी कामहरु भने अवरोध हुने भएको छ । महानगरले भने सभा समारोह लगायतका गतिविधि खुलामञ्चमा गर्न सकिने जनाएको छ । वरिष्ठ इन्जिनियर अर्यालले सभा समारोह लगायतका गतिविधि गर्नलाई खुला मञ्चलाई व्यवस्थित बनाइएको बताउनु भयो । त्यहाँ सभा, समारोह तथा खेलकुद गतिविधि सञ्चालन गर्न सकिने उहाँको भनाई छ ।

उहाँले खुलामञ्चलाई व्यवस्थित मात्रै गर्न लागिएको जानकारी दिनुभयो । यहाँ सर्वसाधारणलाई कुनै रोकावट नरहेको उहाँको भनाई छ । यो मैदानमा हालपनि सर्वसाधारणका लागि खुला रहेको र निर्माण सम्पन्न भएपछि पनि खुला नै रहने उहाँले बताउनुभयो ।

काठमाडाैं । खोटाङमा भएको हेलिकाेप्टर दुर्घटनामा कसैको ज्यान गएको छैन, एक जना घाइते हुनुभएको छ । सुरुमा शव लिएर गएकाे हेलिकाेप्टर दुर्घटना भएको भनिए पनि दुर्घटनाग्रस्त हेलिकाेप्टरमा शव नभएको जिल्ला प्रहरी कार्यालय खोटाङका प्रमुख डिएसपी प्रकाश बुढाथोकीले बताउनुभयो ।

हेलिकाेप्टरमा शव राखिएको बाकस नअटेपछि शव गाडीबाट पठाएर मृतकका आफन्त हेलिकाेप्टरमा गाउँ गएकाे पाइएको डिएसपी बुढाथोकीले बताउनुभयो । शवको दाहसंस्कार गर्न गाउँ आएका स्थानीय चढेको हेलिकाेप्टर केपिलासगढी गाउँपालिका–२, खार्ताम्छाको बालाबेसीमा चैत ४ गते अपरान्ह १२ बजे दुर्घटना भएको हो ।

काठमाडौँबाट बालाबेँसी पुगेर ल्यान्ड गर्ने क्रममा एयर डाइनेस्टिको हेलिकाेप्टर दुर्घटनामा परेको हो । सुरुमा बारीको डिलमा बसेको हेलिकाेप्टरलाई पुःन उठाएर बारीको बिचमा सार्न खोज्दा उछिट्टिएर माथिल्लो गह्राको भित्तामा बजारिएको थियो ।

काठमाडाैं । काठमाडौँबाट शव बोकेर गएकाे हेलिकप्टर खोटाङमा दुर्घटना भएको छ । एयर डाइनेस्टीको हेलिकप्टर केपिलासगढी गाउँपालिका–२ खार्ताम्छाको बालाबेसीमा चैत ४ गते दिउँसो दुर्घटना भएको हो ।

बारीमा अवतरण गर्ने क्रममा हेलिकप्टर दुर्घटना भएको जिल्ला प्रहरी कार्यालय खोटाङले जनाएको छ । सुरुमा बारीको डिलमा अवतरण भएको हेलिकप्टर पुनः उठाएर बीचमा लैजान खोज्दा दुर्घटना भएको बताइएको छ ।

चालक सविन थापासहित ६ जना सवार हेलिकप्टर दुर्घटना हुँदा एक यात्रु काजीबहादुर राई घाइते हुनुभएको जिल्ला प्रहरी कार्यालय खोटाङका प्रमुख प्रहरी नायब उपरीक्षक (डीएसपी) प्रकाश बुढाथोकीले बताउनुभयो ।

काठमाडाैं । उपभोक्ताहरुले आधार सिलिण्डर एलपी (खाना पकाउने) ग्याँस विक्रीवितरण गर्दा आफूहरुले राहत पाएको बताएका छन् ।  मंगलवार काठमाडौंको टेकुस्थित नेपाल आयल निगमको केन्द्रीय कार्यालयमा ग्यास लिन पुगेका उपभोक्ताहरुले संकटमा राहत पाएको भन्दै आयल निगमप्रति आभार समेत व्यक्त गरेका छन् । गाह्रो भइरहेको बेला आधा सिलिण्डर भएपनि ग्याँस पाउँदा खुशी लागेको उनीहरुको प्रतिक्रिया थियो ।

नजिकको ग्याँस डिपोमा १० दिन कुर्दा पनि ग्यास नपाएपछि हैरानी व्यहोरेकी अर्की उपभोक्ताले आधि सिलिण्डर भएपनि उपलब्ध गराएको भन्दै नेपाल आयल निगमप्रति आभार व्यक्त गर्नुभयो ।  उपभोक्ताहरुले ग्याँसको अभावमा आफूहरु भोकभोकै बस्नुपर्ने अवस्था आएको गुनासो पनि गरेका छन् ।

यता, आयल निगमले भने उपभोक्ताहरुको अभाव पूर्ति हुनेगरी वितरणको काम भइरहेको दाबी गरेको छ । निगमका प्रतिनिधि विनोदकुमार वैद्यले उपभोक्ताले रित्तो हात फर्कन नपर्ने गरी वितरणको व्यवस्था मिलाइएको बताउनुभयो ।