काठमाडौं ।
जल तथा मौसम विज्ञान विभागको मौसम पूर्वानुमान महाशाखाकाअनुसार आज देशका विभिन्न भू–भागमा मेघगर्जन र चट्याङ्गसहित वर्षा तथा हिमपातको सम्भावना रहेको छ । महाशाखाद्वारा जारी बुलेटिन अनुसार आज दिउँसो देशभरको मौसममा आंशिकदेखि साधारणतया बदली रहनेछ। विशेषगरी कोशी, वागमती र गण्डकी प्रदेशका पहाडी तथा हिमाली भू–भागका थोरै स्थानहरूमा र बाँकी प्रदेशका एक–दुई स्थानमा मेघगर्जन र चट्याङ्गसहित हल्का वर्षाको सम्भावना रहेको छ । तराईका भू–भागमा भने मौसम आंशिक बदली रहने प्रक्षेपण गरिएको छ ।
यसैगरी, रातिको समयमा कोशी, वागमती र गण्डकी प्रदेशमा साधारणतया बदली रहने र बाँकी भू–भागमा आंशिक बदली रहने देखिन्छ । कोशी र वागमती प्रदेशका पहाडी तथा हिमाली भू–भागका थोरै स्थानहरूमा साथै अन्य प्रदेशका पहाडी र हिमाली भू–भागका एक–दुई स्थानमा मेघगर्जन र चट्याङ्गसहित मध्यम वर्षा तथा हिमपातको सम्भावना रहेको महाशाखाले जनाएको छ ।
