काठमाडौं,१ माघ । नेपाल बैंक लिमिटेडले ६४औँ वार्षिक साधारण सभा सम्पन्न गरेको छ । सभामा आर्थिक वर्ष २०७९/८० को नाफा/नोक्सान हिसाब तथा नगद प्रवाह विवरण र सोही अवधिको वित्तीय विवरणसँग सम्बन्धित अनुसूचीहरू पारित गरेको समितिका अध्यक्ष डा.चन्द्रबहादुर अधिकारीले बताउनुभयो ।
त्यसैगरी, साधारण सभाले सञ्चालक समितिको वार्षिक प्रतिवेदन, लेखा परीक्षकको प्रतिवेदन सहितको २०८० आषाढ मसान्तको वासलात पनि पारित गरेको छ ।
डा.अधिकारीका अनुसार सभाले महालेखापरीक्षकको कार्यालयबाट पुस २९ गते प्राप्त परामर्श बमोजिम आर्थिक वर्ष २०८०/८१ को लेखा परीक्षण गर्न ३ जना चाटर्ड एकाउन्टेन्टहरू प्रदीप कुमार श्रेष्ठ, मधुवीर पाण्डे र सृष्टि कोइरालालाई लेखापरीक्षक नियुक्ति प्रस्तावसमेत सर्वसम्मत रूपमा पारित गरेको छ ।
